Zvicra pranon refugjatët e BE-së

19 refugjatë nga vendet afrikane janë lejuar të hyjnë në Zvicër me intervenimin e ministres së Drejtësisë dhe Policisë, Simonetta Sommaruga

Zvicra iu ka përgjigjur pozitivisht 19 refugjatëve nga vendet afrikane, të cilët kishin ikur në Maltë për shkak të trazirave politike në Afrikën e Veriut. Lajmin e ka bërë të ditur ministrja e Drejtësisë, Simonetta Sommaruga, për radion zvicerane Drs.

Refugjatët nga Eritrea, Somalia dhe Sudani janë pranuar nga Malta dhe jetojnë që nga fundi i prillit në Zvicër. Ata banojnë në kantone të ndryshme dhe Lihtenshtajn.

Sommaruga kishte njoftuar që në maj të vitit 2011 se do të marrin në konsideratë kërkesat e 10 deri në 20 refugjatëve të BE-së. Me pranimin e këtij grupi të vogël refugjatësh kemi treguar solidaritet për Maltën, thuhet në raport.