Gjyshja lind nipin!

Një grua 49 vjeçare ka sjellë në jetë nipin e saj, gjegjësisht djalin e së bijës. Pasi që e bija, për shkak të një çrregullimi në zemër, nuk kishte mundësi të mbetej shtatzënë, frytin e ka mbajtur e ëma. Shtatzënia nuk i ka shkaktuar kurrfarë pasojash gruas.

49 vjeçarja, Linda Sirois i ka ofruar prej disa vitesh të bijës 25 vjeçare, Angela, që të bartë fëmijën e saj, në rast se ajo nuk mund të mbetej shtatzënë. Vitin e kaluar, mjeku i kishte vërtetuar përfundimisht gruas së re se nuk kishte mundësi të lindte fëmijë.

Gjyshja që u bë nënë e fëmijës së të bijës, ka pasur edhe katër lindje deri më tash, dy prej të cilave me binjakë. Por, siç shkruan gazeta “Portland Press Herald”, ajo ka thënë se shtatzënia më e lehtë për të ka qenë deri më tash kjo e fundit. Ndërkohë edhe foshnja është mirë me shëndet dhe ka oreks të mirë, ka thënë ajo.