Këshilltari shtetëror i Gjenevës: Nuk ka mandat të tretë për David Hiler-in

David Hiler, i Gjelbër, nuk do të kandidojë për zgjedhjet e Këshillit Shtetëror të Gjenevës në vitin 2013. Në një letër dërguar partisë së tij, ministri i Financave bëri të ditur se nuk do të bëjë një mandat të tretë, sepse do të ishte “sezoni i tepërt”. Z. Hiller është në Qeveri që nga viti 2005.

57-vjeçar dhe baba i tre fëmijëve, z. Hiler tha se është më “mençuri të largohem kur jam në formë”.

Z. Hiler ka shërbyer me vite në financat e kantonit të Gjenevës me një grusht të hekurt dhe është i njohur në qarqet politike për pragmatizmin e tij.

Antonio Hodgers, i interesuar

Të Gjelbrit e Gjenevës kanë njoftuar se do të nisin së shpejti një thirrje për nominime për zgjedhjet e Këshillit e Shtetit të vitit të ardhshëm. Këshilltari nacional, Antonio Hodgers, është treguar i interesuar për vendin e liruar nga Z. Hiler. “Unë do të bëhem kandidat për vendin e lirë”, tha ai për radio televizionin RTS.

Me David Hiler të Gjelbrit humbasin një lokomotivë, e cila mblidhte vota elektorale përtej partisë së saj. Të Gjelbrit aktualisht kanë dy përfaqësues në qeveri: David Hiler dhe Michele Künzler.