Qeveria, për orare të zgjatura të shitoreve

Rregullimi jo unik i kësaj problematike nëpër kantone, çfarë është sot, e dëmton konkurrencën

Këshilli Federal ka pleduar për liberalizim të orareve të punës të shitoreve, gjegjësisht për të lejuar orare më të gjata pune në gjithë Zvicrën. Ai i rekomandon edhe parlamentit që të miratojë një mocion të bërë nga deputeti Filipo Lombardi i CVP-së së Tiçinos lidhur me këtë çështje.

Mocioni kërkon që të gjitha shitoret me pakicë të kenë të drejtë që gjatë ditëve të punës t`i shesin produktet e tyre nga ora 6 deri në orën 20, gjegjësisht të shtunave nga ora 6 deri në orën 19. Më tutje ai kishte kërkuar që kantonet të mund të vendosin për liberalizim të mëtejmë, sipas nevojave, por të mos kenë të drejtë për të vendosur masa më restriktive.

Qeveria është e mendimit se rregullimi jo unik i kësaj problematike nëpër kantone, çfarë është sot, e dëmton konkurrencën.