Bllokohet për 24 orë rruga Pejë-Kullë-Rozhajë

Është ndërprerë qarkullimi në rrugën rajonale Pejë-Kullë-Rozhajë që nga ora 9:30 e ditës së sotme. Në pikën kufitare në Kullë, Radios Mali i Zi i është thënë se për rregullimin terrenit, duhen së paku dy ditë.

Ndalimi i qarkullimit të automjeteve ka ndodhur për shkak të rrëshqitjeve të dheut te vendi i njohur si “Uji i Savës”, gjë që ka bllokuar të dy kahet e rrugës.

Për Koha.net, nga Policia e Kosovës në Rajonin e Pejës kanë konfirmuar se është bllokuar rruga, si pasojë e të reshurave atmosferike të ditës së djeshme, që kanë vazhduar pothuajse tërë natën, përcjell albinfo.ch.

Të gjithë qytetarëve që udhëtojnë për në Kosovë, Mali i Zi u rekomandon shfrytëzimin e rrugës rajonale Rozhajë-Mitrovicë.