18 milionë të papunë në Eurozonë

Numri i të papunëve në eurozonë ka mbërritur rekordin e tij të palavdishëm prej 18 milionë sish. Plot 18.002.000 persona janë të regjistruar si të papunë në shtetet e kësaj zone, bën të ditur zyra statistikore e BE-së Eurostat me seli në Luksemburg. Me këtë shifër është shtuar për 88000 veta numri i të papunëve nga qershori i këtij viti.

Përqindja mesatare e të papunëve në eurozonë tash është 11.3. Ndërkaq, në gjithë Bashkimin Evropian, mesatarja e të papunëve ka mbetur e pandryshuar, pas rekordit prej 11.4% që kishte njohur në muajin korrik.

Shtetet që janë goditur më së shumti nga papunësia janë shtetet që po kalojnë në krizë të rëndë ekonomike si Spanja (25.1%) dhe Greqia (23.1%).

Shkallën më të ulët të papunësisë e kanë shënuar në këtë periudhë shtetet si Austria me 4.5%, Holanda 5.3% dhe Gjermania e Liksemburgu nga 5.5%.