Apostolova: Vazhdoni luftën kundër krimit e korrupsionit

Në ditën e Evropës, ajo nuk ka dhënë një afat se kur kosovarët do të mund të lëvizin pa viza

Shefja e Zyrës së BE-së në Kosovë, Natalya Aposotolova, ka ftuar institucionet e Kosovës që të vazhdojnë luftën kundër krimit dhe korrupsionit. Në ditën e Evropës, ajo nuk ka dhënë një afat se kur kosovarët do të mund të lëvizin pa viza.

Apostolova mori pjesë në hapjen e panairit të arsimit me shtetet anëtare në BE në Ditën e Evropës, ku ambasadat e shteteve të huaja në Kosovë do të ofrojnë mundësi informacioni për bursa në shtetet e tyre.

Ndërsa, ministrja e Integrimeve Evropiane, Dhurata Hoxha, theksoi se ditët e viteve të ardhshme shpreson se  Kosova do të jetë edhe më afër Bashkimit Evropian. Ajo u shpreh se janë të përkushtuar të gjithë që qytetarët e Kosovës të lëvizin sa më shpejt lirshëm pa viza.

Gjithashtu, Akademia e Grave për Lidership përmes një thirrje sensibilizuese në sheshin Skënderbeu, ka kërkuar nga institucionet e Kosovës që 9 majin, Ditën e Evropës, ta heqin nga lista e festave zyrtare në Kosovë.