Gjithnjë e më shumë bankrotime në Zvicër

Megjithë numrin e madh të pasurve, numri i bankroteve personale po vazhdon të rritet në Zvicër

Deri në fund të vitit numri i falimentimeve do të jetë më i madh se kurrë më parë. Këtë e kanë parashikuar Asociacioni zviceran për mbikqyrjen e kredive “Creditreform”.

“Der në fund të gushtit 2012 janë raportuar tashmë 4351 falimentime personale. Ne parashikojmë që gjithsej 6527 persona deri në fund të vitit 2012 kanë për të nënshkruar falimentimin”, tha shefi i Crediform”, Claude Federer. Sipas tij bëhet fjalë për 13 për qind më shumë se vitin e kaluar!

Shkaktarët më të zakonshëm të bankrotimit janë papunësia, problemet familjare, sëmundja, ndarjet apo shkurorëzimi.

“Shumë borxhlinj fillimisht nuk arrijnë të paguajnë taksat e tyre pastaj edhe sigurimet e larta shëndetësore”, thotë Noémie Zurn nga Rrjeti i Shoqatave për Këshilla të Borxhit në Zvicër.