Rama për ARD: Do të bashkëpunojmë që mos përsëritet vala e refugjatëve si 2015

Kryeministri Edi Rama nuk e shikon si kërcënim serioz numrin e shtuar të refugjatëve në Shqipëri, por si një “shenjë shqetësuese” që duhet të merren masa prej në fillim.

“Gjatë janarit në Shqipëri u regjistruan 162 refugjatë ilegalë të ardhur nga Greqia, në maj 2311 sosh,” tha Rama për “ARD Wien”. “Deri tani kjo valë e refugjatëve është luftuar me forcat e brendshme, megjithatë që të mos ripërsëritet gabimi i 2015, Europa duhet të përgatitet përpara se situata të përkeqësohet.”

Rama i ka premtuar mbështetje të nevojshme kancelarit austriak Sebastian Kurz, gjatë vizitës në Vjenë, rreth refugjatëve, përcjell albinfo.ch.

Ne nuk duam që personat e ardhur në Shqipëri “vetëm ti transportojmë nga një kufi në tjetrin” por edhe ti trajtojmë me “dinjitet”. Ne do lejojmë aq refugjatë sa të jenë në gjendje të përballen me “pritjet e ligjshme të Austrisë dhe Gjermanisë”, tha më tej Rama.

“Ne jemi gati që ti kushtojmë gjithë resurset tona këtij bashkëpunimi, në njërën anë për të garantuar kufijtë dhe në anën tjetër, për të trajtuar me gjithë respekt gjithë njerëzit. Besoj se kemi gjithë mundësitë dhe resurset, për të parandaluar nëse ripërsëritet gjendja e 2015,” tha më tej plot optimizëm shefi i qeverisë shqiptare.

Edi Rama në fund ka folur edhe për marrëdhëniet tepër të mira mes Tiranës dhe Vjenës, veçanërisht pasi Austria i jep përkhraje maksimale në rrugën euro-integruese të gjithë vendeve të Ballkanit Perëndimor. “Austria është një partner i besueshëm,” tha ai.