Tarifa të njëjta për  bizneset e Shqipërisë e Kosovës për rrugën e kombit

Dy ministrat, ai i Financave Arben Ahmetaj dhe ai i Infrastrukturës,  Damian Gjiknuri pritën në takime përfaqësuesit e Odës Ekonomike të  Kosovës me të cilët kanë diskutuar lidhur me rivendosjen e  tarifave për autostradën Milot-Morinë.

Ministri i Infrastrukturës tha se qeveria po negocion jo vetëm për të adresuar problemet e popullsisë lokale të Kukësit si një problem i brendshëm por dhe për të adresuar nevojat e përgjithshme të bizneseve, pavarësisht nëse ato janë në Shqipëri apo në Kosovë, shkruan albinfo.ch.

“Ne synojmë që për ata që janë udhëtarë të shpeshtë të kemi një zbritje dhe zbritja është duke u negociuar. Ne nuk do të bëjmë diskriminim tek bizneset. Nëse është bërë një përjashtim për qytetarët e Kukësit këto njihen dhe janë praktika në raport me komunitetet lokale për shkak të mungesës së rrugës alternative”, ka thënë ai.

Drejtuesit e OEK-ut kanë thënë se edhe Qeveria e Kosovës mund të kontribuojë gjithashtu për të lehtësuar barrën financiare që krijohet nga zbritjet tarifore dhe nevoja për mirëmbajtjen e aksit rrugor. Gjithashtu, përfaqësuesit e biznesit i propozuan ministrave Ahmetaj dhe Gjiknuri që rifillimi i zbatimit të tarifës së kalimit të mund shtyhet deri pas sezonit turistik, përcjell albinfo.ch.