Meta e Rama përkujtojnë Lidhjen Shqiptare të Prizrenit

Presidenti i Shqipërisë, Ilir Meta, mori pjesë në përvjetorin e Lidhjes Shqiptare të Prizrenit në qytetin ku më 10 qershor të vitit 1978, u mblodhën përfaqësuesit shqiptarë nga të gjitha trojet.

Meta tha se lidhja shqiptare e Prizrenit nuk jetoi gjatë, por pavarësisht kësaj, vlerat e shquara të identitetit kombëtar shqiptar që ajo lartësoi, do të mbesin të gjalla përjetë.

“Lidhja shkaktoi një jehonë të madhe në rajon e botë, ndaj dhe nuk është një relikë historike, por një vepër frymëzuese. Lidhja është një frymëzim për të rinjtë shqiptarë. E paharruar vepra e themeluesve të Lidhjes Shqiptare të Prizrenit”, ka thënë Meta, shkruan Albinfo.ch.

Shënimi i 140-vjetorit të Lidhjes Shqiptare të Prizrenit në Kosovë ka nisur me vënien e gurthemelit të kompozicionit të shtatoreve të udhëheqësve të qeverisë së saj.

Ndërsa Kryeministri Edi Rama ka folur për e 140 vjetorin e themelimit të Lidhjes shqiptare të Prizrenit dhe vitit të Skënderbeut.

“Sot përkujtojmë 140 vjetorin e themelimit të Lidhjes shqiptare të Prizrenit, mesazhi i së cilës kumbon i thjeshtë por domethënës, dje, sot e përgjithmonë: asnjëherë virtyti dhe aq më pak fati e kanë braktisur një Shqipëri të përbashkuar”, ka shkruar ai.