Shtohet numri i pjesëtarëve të FSK gjatë vitit 2011

Ministri i FSK-së Fehmi Mujota ka folur edhe për bashkëpunimin me Komandën e KFOR-it për të ngritur kapacitetet e plota të FSK-së

Gjatë vitit 2011 Forca e Sigurisë së Kosovës (FSK) do të shtojë numrin e pjesëtarëve të saj dhe do të ketë ngritje profesionale, ka raportuar Radio Kosova. Ministri në largim i FSK-së Fehmi Mujota ka folur me këtë rast edhe për bashkëpunimin me Komandën e KFOR-it për të ngritur kapacitetet e plota të FSK-së.

“Tashmë kemi arritur të kemi rreth 2.200 pjesëtarë të FSK-së në trajnimet themelore”. FSK mori vlerësime të mira për misionin gjatë përmbytjeve në Shqipëri. Gjatë këtij viti, në FSK, përveç pjesëtarëve të rregullt, do të rekrutohen edhe ata rezervë.

Pritet po ashtu nënshkrimi edhe i shumë marrëveshjeve të bashkëpunimit me vende të rajonit dhe ato të BE-së.