Serbët përsëri sollën incidente në Vjenë, ndërhynë 100 policë austriakë

“Goli i parë i brazilianëve heshti gjithë tifozët serbë. Pas pjesës së parë ata u aktivizuan përsëri por shpresat u shuan pas golit të dytë të Brazilit,” përcjell albinfo.ch. “Pas përfundimit të ndeshjes shumë tifozë dolë në rrugë duke vandalizuar sendet publike.”

Përballja e fundit vendimtare për Serbinë ditën e djeshme kundër Brazilit, solli përsëri ndërhyrjen e policisë austriake, shkruan kurier.at. Tifozët serbë preferojnë më tepër lokale në lagjen e Ottakringer, pikërisht aty ku ndodhën incidentet.

“Goli i parë i brazilianëve heshti gjithë tifozët serbë. Pas pjesës së parë ata u aktivizuan përsëri por shpresat u shuan pas golit të dytë të Brazilit,” përcjell albinfo.ch. “Pas përfundimit të ndeshjes shumë tifozë dolë në rrugë duke vandalizuar sendet publike.”

Rreth 100 forca policore ndërhynë për t’i qetësuar tifozët serbë, duke përdorur edhe altoparlantë. Pikërisht këtu situata u tensionua më tepër, kur serbët filluan të sulmojnë me shishe policinë kryeqytetase. Në rrugën Lindauergasse ndodhi edhe përleshja. Tre serbë mbetën të arrestuar.

Pak ditë më parë ndodhi i njëjti skenar po në të njëjtën lagje pas humbjes së Serbisë nga Zvicra me golat e Granit Xhakës dhe Xherdan Shaqirit.