SP angazhohet për një shkollë tërëditore

Sipas SP-së, sistemi ekzistues shkollor nuk ofron mundësi të barabarta për të gjithë nxënësit.

Partia Socialdemokrate e Zvicrës (SP) ka prezantuar sot dokumentin „Politika sociale me të ardhme”, përmes të cilit kërkon që kujdesja shkollore për nxënësit në shkollat publike në të ardhmen të jetë tërëditore.

Ajo ka shpallur me këtë rast synimin për të nisur një fushatë që ka për synim të instalojë në kuadrin e shkollave të rregullta edhe një “mbikëqyrje të integruar jashtëshkollore”. Kjo, për arsyen se, sipas SP-së, sistemi ekzistues shkollor nuk ofron mundësi të barabarta për të gjithë nxënësit.

Sistemi i propozuar do t`u ofronte më shumë mundësi shkollimi cilësor fëmijëve të prindërve më pak të shkolluar, thuhet në dokumentin e propozuiar nga SP.