Zjarrfikësit me protestë kërkojnë rritje pagash  

Zjarrëfikësit janë të indinjuar që tash e sa vjet askush nga institucionet nuk i ka marrë parasysh kërkesat e tyre dhe për këtë, të enjten kanë dalë për të protestuar para ndërtesës së Qeverisë së Kosovës.

Zjarrfikësit në Kosovë vazhdojnë të ballafaqohen me probleme si pasojë e mungesës së mjeteve adekuate për punë dhe mosdefinimit të statusit të tyre. Zjarrfikësit janë të indinjuar që tash e sa vjet askush nga institucionet nuk i ka marrë parasysh kërkesat e tyre dhe për këtë, të enjten kanë dalë për të protestuar para ndërtesës së Qeverisë së Kosovës. Pos kushteve më të mira për punë, zjarrfikësit kanë kërkuar edhe nivelizim të pagave. Kryetari i Sindikatës së Zjarrfikësve, Muharrem Beka, ka deklaruar se janë këmbëngulës në kërkesat e tyre. Ai ka thënë se është e papranueshme se si institucionet i kanë neglizhuar në vazhdimësi kërkesat e tyre.

Beka dhe përfaqësues të tjerë të Sindikatës së Zjarrfikësve kanë zhvilluar një takim me përfaqësues të Qeverisë në përpjekje për të gjetur zgjidhje, në të kundërtën zjarrfikësit kanë paralajmëruar se protestat do të vazhdojnë.