Gjyqtari Bekim Zogaj referon në Ligën e Kampionëve

Bekim Zogaj do të jetë asistent i parë në ndeshjen kualifikuese të Ligës së Kampionëve ndërmjet Rosenborgut (Norvegji) dhe Celticut (Skoci)

Gjyqtari nga Kosova, i cili vepron në Zvicër, Bekim Zogaj, do të jetë asistenti i parë në ndeshjen kualifikuese të Ligës së Kampionëve ndërmjet Rosenborgut (Norvegji) dhe Celticut (Skoci).

Takimi do të zhvillohet më 1 gusht në “Lekerndal Stadium” të Trondheim në Norvegji, përcjell albinfo.ch.

Takimin e parë e kishte fituar Celtic me rezultat 3:1, dhe përballja e dytë pritet të jetë shumë interesante.

Zogaj i cili jeton dhe vepron në Zvicër, ka përvojë të gjatë në garat ndërkombëtare, ku ka referuar në shumë ndeshje të rëndësishme. Ai ka referuar në gara të rëndësishme për klube dhe Kombëtare.

Me hapat që po shkon Zogaj pritet që të referojë edhe në shumë ndeshje të rëndësishme në arenën evropiane.