Ndalohen telefonat në shkolla

Vendimi i parlamentit francez për shkollat të mësimit parafillor, fillor dhe në shkollat e mesme

Parlamenti i Francës ka miratuar një ndalesë për përdorimin e telefonave mobil në shkolla.

Sipas ligjit të miratuar sot, ndalimi i përdorimit të telefonave do të bëhet nëpër shkollat të mësimit parafillor, fillor dhe në shkollat e mesme.

Presidenti i Francës, Emmanuel Macron kishte bërë fushatë për ndalimin e përdorimit të telefonave mobil në shkolla, raporton “REL”.

Nxënësit francezë deri më tash nuk ishin lejuar që të përdornin telefonat e tyre gjatë orëve mësimore dhe çdo shkollë, kishte rregullat e veta, nëse do t’i lejonte apo jo që nxënësit që të përdornin telefonat, përcjell albinfo.ch.

Por, me ligjin e ri të miratuar do të ndalohet që telefonat të përdoren në çdo shkollë të Francës.