I dyshuari për djegie të Shqiponja Flora A., shpallet i pafajshëm

Partneri 45 vjeçar i Shqiponja Flora A., është liruar nga përgjegjësia të enjten që shkoi nga një gjykatë në Vjenë

Shqiponja Flora  A., një shqiptare 28 vjeçe që jetinte në Vjenë, ishte djegur e gjallë para dy vitesh në një periferi të Bratisllavës (Sllovaki). I dyshuari për këtë krim të tmershëm, partneri me të cilin ajo jetonte, është liruar nga përgjegjësia të enjten që shkoi.

Trupi Gjykues i porotëve në Gjykatën e landit në Vjenë ka vendosur në procesin e përmbyllur të enjten në të mirë të të dyshuarit. Meqë prokurori nuk e ka thënë ende fjalën e tij, vendimi ende nuk është i plotfuqishëm.

Sipas palës paditëse, i dyshuari, një inxhinier i ndërtimtarisë, i shtyrë nga “xhelozia e sëmurë” dhe nga paralajmërimi se lidhja e tyre po përfundonte, e ka mbytur partneren e tij. Mirëpo, akuza nuk ka mundur të gjejë një dëshmi të qartë materiale për veprën. Ajo flet vetëm për shumë indicie që sipas saj e dëshmojnë “në mënyrë të padiskutueshme” krimin e bërë nga 45 vjeçari. Veç tjerash, në vendin ku është gjetur trupi i djegur i Florës është gjetur po ashtu edhe një batanie nga lëkura e leopardit, (nga banesa e përbashkët e çiftit) me të cilën ishte mbështjellë viktima.

Kush e ka djegur Shqiponja Flora A.?

Që trupi gjykues të sillte vendimin lirues ka ndikuar edhe qëndrimi i ndryshuar i disa dëshmitarëve. Ata tashmë e relativizojnë atë që e kishin thënë në ngarkim të të dyshuarit.

Po kush mund të ketë qenë atëherë vrasësi i Flora-Shqiponjës? Në natën e kobshme, më 16 tetor 2010 në banesë kishin qenë vetëm Flora, partneri i saj, tash i dyshuar dhe vëllai. “Flora nuk e ka mbytur dhe djegur veten – vëllai i saj kishte qenë në gjumë, siç e dëshmon edhe i akuzuari – atëherë po mbetet vetëm ai”, argumenton prokurori. “Kur dy persona gjenden në një dhomë dhe vetëm njëri prej tyre del i gjallë, cili duhet tëjetë vrasësi atëherë?”