Aleanca për Shqiptarët: Opozita nuk është kundër integrimit të Maqedonisë në NATO e BE

Deklarata e zëvendëskryeministrit Bujar Osmani ka bërë që Aleanca për Shqiptarët të reagoj.

Aleanca për Shqiptarët ka reaguar pas intervistës së Zëvendëskryeministrit maqedonas Bujar Osmani.

Në intervistë, Osmani ka thënë se ‘opozita është kundër integrimit të Maqedonisë në NATO dhe BE’.

Reagon Aleanca për shqiptarët nga Maqedonia

“Për BDI-në dhe Bujarin, edhe të burgosurit e rastit Monstra ishin terrorist, edhe Haki Aziri nuk ishte i kidnapuar edhe Rexhail Qerimi është terrorist, edhe Agim Beluli ishte terrorist, edhe Luani ishte simbol i shqiptarëve, edhe gjuha shqipe ishte e zyrtarizuar. Shqiptarët e dinë mirë se Rusia nuk ishte në Maqedoni por atë e sollën qeverisja VMRO-BDI. U deshtë shumë mundë, sakrificë, gjak dhe ndikim shumë i madh i miqve ndërkombëtar dhe mezi i larguam nga VMRO dhe Nikolla Gruevski. Aq shumë ishin të lidhur në krim. Nuk ndaheshin dot. Dhe nuk e harruan zanatin as tani. Vazhdojnë ti shërbejnë me devotshmëri padronit të ri. Po ta përsërisim edhe njëherë Bujar Osmani, ne -shqiptarët maqedonas jo, ndërsa ju, edhe kameleonët do tua kishin zili”, thuhet në reagimin e Aleancës për Shqiptarët.