Një i plagosur në Lezhë

Një atentat me armë ka ndodhur mbrëmë në Lezhë, ku një 35-vjeçar nga Mirdita është plagosur.

“Rreth orës 20:45, në Ishull Lezhë është plagosur me armë zjarri shtetasi A.Gj., 35-vjeç, i cili është transportuar në spital për ndihmën e nevojshme mjekësore. Gjithashtu, në Kolsh-Lezhë është gjetur i djegur mjeti tip Benz, i denoncuar i vjedhur, i cili dyshohet se është përdorur nga autorët e plagosjes. Grupi hetimor në vendngjarje, nën drejtimin e Prokurorisë së Rrethit Gjyqësor Lezhë, vazhdon hetimet për zbardhjen e plotë të rrethanave të ngjarjes. Janë ngritur pika kontrolli me qëllim kapjen e autorëve”, thuhet në njoftimin e policisë, përcjell albinfo.ch.

Personi i plagosur është dërguar në spitalin e Lezhës dhe është jashtë rrezikut për jetën.