Nesër marshohet në Prishtinë për të pagjeturit

Komisioni Qeveritar për Persona të Zhdukur njofton se me rastin e shënimit të Ditës Ndërkombëtare për Persona të Zhdukur, në bashkëpunim me shoqatat familjare të të zhdukurve nesër do të organizojnë Marshin Përkujtimor.

“Marshi Përkujtimor do të fillojë në orën 16:30 nga sheshi ‘Zahir Pajaziti’, për të vazhduar me ecjen gjatë tërë Bulevardit ‘Nënë Tereza’ dhe për të arritur te përmendorja dedikuar personave të zhdukur  që është e vendosur përballë ndërtesës së Kuvendit”, thuhet në njoftim, përcjell albinfo.ch.

Aty theksohet se Marshi Përkujtimor do të përfundojë me ceremoninë e vendosjes së luleve, në ora 16:48, pranë përmendores dedikuar personave të zhdukur, në nderim dhe përkujtim edhe të 1648 personave të zhdukur.