Xhaka asiston, Mustafi shënon dhe feston me shqiponjë

Mediat angleze raportojnë se ky festim ishte pro-Kosovës dhe për këtë është hapur procedurë disiplinore ndaj tij

Arsenali ka shënuar fitoren e dytë në këtë sezon të Premierligës. Londinezët në udhëtim kanë mundur Cardiff City me rezultat 3:2.

Golin e parë në këtë ndeshje e shënoi Shkodran Mustafi me kokë, pas harkimit nga këndi të Granit Xhakës. Ndodhi kjo në minutën e 12-të, shkruan albinfo.ch.

Mustafi ka festuar me shqiponjë. Ai dhe Xhaka luajtën për 90 minuta, derisa mesfushori shqiptar u ndëshkua me karton të verdhë.

Ndërkohë, futbollisti i Arsenalit rrezikon të dënohet nga Federata Angleze që ka hapur rastin ndaj tij, për shkak të festimit me shqiponjë.

Mediat angleze raportojnë se ky festim ishte pro-Kosovës dhe për këtë është hapur procedurë disiplinore ndaj tij.

Xherdan Shaqiri dhe Granit Xhaka, por edhe Stephan Lichtsteiner ishin dënuar nga FIFA me 25 mijë franga gjithsej për shkak se festuan në Rusi me shqiponjë në duelin e Zvicrës ndaj Serbisë.

Ditë më parë edhe futbollistja shqiptare, Kosovare Asllani festoi me shqiponjë kur shënoi për Suedinë ndaj Ukrainës. Nëse brengoset për dënimin ajo u shpreh: “Mund të marrin pagën time”, theksoi ajo, duke qeshur.

https://www.youtube.com/watch?v=xoP64z1JC2w

---