EKR: Artikujt kundrejt muslimanëve janë distancues dhe gjithë përfshirës

Shumë të dhëna tregojnë një distancë kundrejt muslimanëve në Zvicër dhe që nuk tregon aspektin e multi-kulturalitetit.

Komisioni Zviceran kundër Racizmit EKR ka publikuar një studim i cili është marrë me raportin mediatik mbi muslimanët në Zvicër, shkruan albinfo.ch. Si gazetat e shkruara dhe online jane marrë me temat shoqërore që prekin këtë minoritet? Cilat aspekte dhe perspektiva fokusohen në artikujt e tyre?

Shumë të dhëna tregojnë një distancë kundrejt muslimanëve në Zvicër dhe që nuk tregon aspektin e multi-kulturalitetit.

Studimi i kryer nga Universiteti i Cyrihut me titull “Cilësia e lajmeve mbi muslimanët në Zvicër” ka analizuar përmbajtjen e artikujve që lidhen me muslimanët nga 2009 deri në mes 2017 në 18 tituj të printuar mediatik të tre gjuhëve më të madhe rajonale. Analiza është shqetësuese dhe vërehet një gjuhë tendencioze dhe gjithëpërfshirëse.

Studimi gjithashtu vërteton një rritje të fuqishme të artikujve, që shfaqin distancë kundrejt muslimanëve zviceranë. Numri i tyre nga 2009 deri 2017 është rritur prej 22 në 69 përqind. Kjo më tepër vërehet në temat e përqëndruara si radikalizmi dhe terrorizmi. Udhëheqësi i studimit, Patrik Ettinger, sqaron se distanca bëhet problematike kur lidhet me akuzat gjithpërfshirëse.

Në fakt artikujt gjihpërfshirëse dhe distancues nuk janë të rritur nga viti i kaluar, megjithatë mbetet e lartë: tetë përqind. Gjithashtu, në 55 përqind të artikujve komentohet rreth tyre, pa u marrë një fjalë prej atyre vetë. Për koment merren ata muslimanë, të cilët përfaqësojnë pozicione polarizuese.

EKR edhe në të kaluarën është marrë me artikujt mediatikë që rrezikojnë diskriminimin e grupeve minoritare.Në 2013 ajo analizoi shkrimet rreth romëve, në 2017 kundrejt racizmit ndaj të zinjve. EKR kërkon përgjegjësi dhe dialog me mediat për krijimin e mendimit dhe funksionimit të një shoqërie më demokratike.

---