Përzgjedhësi zviceran, Challandes, kërkon lojë kolektive

Përfaqësuesja e Kosovës në futboll e ka zhvilluar edhe stërvitjen e fundit para nisjes në Azerbajxhan, përfaqësuese me të cilën do të përballet të premten në Baku.

Treningu i fundit u zhvillua me dyer të mbyllura në stadiumin “Fadil Vokrri” në kryeqytet, ndërsa 15 minutat e para ishin të parapara për media. 

Të gjithë futbollistët ishin të gatshëm dhe në formë të mirë, ndërsa është punuar në intensitet, taktikë, shkruan Albinfo.ch.

Futbollistët kanë përgatitur skena për të shënuar edhe nga ndërprerjet, që sipas përzgjedhësit Shalland, është shumë e rëndësishme. 

Përfaqësuesja e Kosovës do të udhëtojë në Baku të enjten në mëngjes dhe do të stërvitet pasdite, ndërsa ballafaqimi zhvillohet të premten nga ora 18:00 me orën tonë lokale.

---