Dua fiton çmimin “Solo artistja e vitit”

Dua e fitoi çmimin "Solo Artistja më e mirë e vitit", duke u nderuar për suksesin që e ka shënuar albumi i saj debutues në mbarë botën.

Princi i Anglisë Charles dhe këngëtarja kosovaro-britanike, Dua Lipa, ishin ndër yjet e nderuar në ngjarjen e përvitshme “GQ Men of the Year Awards”, e cila u mbajt mbrëmë në Londër.

Dua e fitoi çmimin “Solo Artistja më e mirë e vitit”, duke u nderuar për suksesin që e ka shënuar albumi i saj debutues në mbarë botën.

Këngëtarja qe e pranishme në ceremoni për ta pranuar çmimin, me ç’rast i falënderoi të gjithë që e kanë pranuar kaq mirë muzikën e saj, dhe tha se ndihet shumë e nderuar me këtë shpërblim.

Yje të shumtë ishin të pranishëm në këtë ceremoni të organizuar nga revista prestigjioze për meshkuj “GQ”, të tillë si: Rose McGowan, Sacha Baron Cohen, Chris Hemsworth, Daniel Kaluuya, Rita Ora, Zendaya, Chaswick Boseman, Paul Weller, John Legend dhe të tjerë.

---