Admir Mehmedi i gatshëm për sfida të reja

Humori i tij i ëmbël mungonte në Kupën e Botës. Tani Admir Mehmedi sërish është kthyer. Viktima e tij e parë është bashkëpunëtori i Televizionit shtetëror zviceran SRF, Jeff Baltermia

Menjëherë pas orës 18.30 në ndërtesën e klubit të FC Freienbach. Admir Mehmedi qëndron para murit sponsorizues të Federatës futbollistike të Zvicrës për intervistë televizive. Ai është fokusuar në objektivin e gazetarëve dhe pyet: “Ku duhet të shikoj?” Raportuesi i SRF Jeff Baltermia i thotë: “Në mua”, ndërsa Admiri ia kthen përgjigjen: “Ka pamje edhe më të mira…” Viktima duhet të qeshet më tepër, sipas nevojës.

Lojtari i VfL Wolfsburg, i cili e humbi Kupën e Botës për shkak të një operacioni në këmbë në momentin e fundit, tani bëhet më serioz: “Ishte një lëndim shumë i komplikuar në këmbë. Është shumë keq që e kam humbur gjithë sezonin e dytë me klubin tim. Doja të ndihmoja në betejën e rënies nga liga. Fundi-fundit, bëhej fjalë për ekzistencën e klubit. Është shumë keq që kam humbur Kupën e Botës. Kupa Botërore ishte ëndrra ime. Kur shokët hipën në avion dhe u nisën për në Rusi,  për mua ishte një ndjenjë e çuditshme”, ka pohuar Admiri për “Blick”, njofton Albinfo.ch.

Sa është i gatshëm për ndeshjen e Lidhjes së Kombeve kundër Islandës (e shtunë, 18:00)? “Kam pasur një përgatitje shumë të mirë. Do të shoh tani nëse jam qind për qind i përgatitur”.

---