Zvicër-Kosovë, kthimi i vështirë i pensionistëve

Emisioni i famshëm i Televizionit zviceran Temps Présenti që transmetohet të enjten 20 shtator në mbrëmje, i kushtohet pensionistëve Kosovarë në Zvicër, të penalizuar në mënyrë të padrejtë

Radio Televizioni Zviceran (RTS) ua ka kushtuar një emision pensionistëve kosovarë të kthyer në Kosovë. Ata kanë punuar në Zvicër për një kohë të gjatë që nga vitet 1980, ndonjëherë me koston e shëndetit të tyre. Ata kanë akumuluar kursime, AVS, por kur bëhet fjalë për daljen në pension të merituar dhe kthimin në Kosovë, është një tronditje: pensionet e tyre nuk u janë paguar kurrë. Mijëra pensionistë të Kosovës kanë humbur paratë e tyre dhe e gjejnë veten të varfër.

Emisioni transmetohet sërish të premten, më 21 shtator 2018, në orën 15:00 dhe të hënën, më 24 shtator 2018, në orën 11:00, në RTS 2.

---