Kosova e Japonia pajtohen për rritjen e turizmit

Kosova është duke u prezantuar në panairin e turizmit në Japoni nga Agjencia për Promovimin e Ndërmarrjeve të Vogla dhe të Mesme. Në këtë panair po marrin pjesë dy kompani të Kosovës, që janë përzgjedhura nga KIESA.

 

Ushtruesja e detyrës së ministres së Tregtisë dhe Industrisë, Arbëreshë Krasniqi, ka nënshkruar marrëveshje me Agjencinë Japoneze të Turizmit për lehtësimin e zhvillimit ekonomik dhe për rritjen e potencialit të turizmit në të dy vendet. Krasniqi ka thënë se Kosova është e përkushtuar të zgjerojë raportet me partnerët strategjikë, siç është Japonia.

“Kjo marrëveshje do të ketë impakt shumë pozitiv për shtetin e Kosovës dhe njëkohësisht hap mundësi të reja për të dyja vendet, sidomos në fushën e turizmit. Po ashtu kjo marrëveshje është një eksperiencë e re për Kosovën, sepse do të ketë shkëmbime të materialeve të ndryshme dhe përvojave në turizëm dhe do të lehtësojë komunikimin në mes të dyja vendeve”, ka theksuar Krasniqi.

Kosova është duke u prezantuar në panairin e turizmit në Japoni nga Agjencia për Promovimin e Ndërmarrjeve të Vogla dhe të Mesme. Në këtë panair po marrin pjesë dy kompani të Kosovës, që janë përzgjedhura nga KIESA.

---