Othmani: Maroku nuk e njeh Kosovën, ankohet në Pacollin

Maroku nuk e ka në plan ta njohë shtetin e Kosovës. Për këtë ka qenë shumë i qartë  kryeministri i këtij vendi, Saadeddine Othmani, i cili ka kundërshtuar lajmin e ministrit të Jashtëm të Kosovës, i cili publikoi një lajm në rrjetet sociale, ku tha se ka pasur takim domethënës me kryeministrin e Marokut. Othmani ka shkruar në Twitter se Pacolli është imponuar  me prezencën e tij gjatë një dreke që ai ka pasur në New York, përcjell albinfo.ch.

“Gjatë pushimit me delegacionin tim një zotëri nga Kosova na u imponua me prezencën e tij. Ne nuk kemi diskutuar marrëdhëniet bilaterale as vazhdimin e kontakteve. Pozita e Marokut është e njëjtë. Maroku nuk e njeh Kosovën dhe nuk ka marrëveshje me të”, ka shkruar kryeministri Saadeddine Othmani në Twitter.