Pas Zvicrës, edhe Holanda dëbon katër agjentë rusë, ishin hakerë

Në lidhje me këtë ka reaguar edhe sekretari gjenerali Stoltenberg, i cili, vëri në dukje drejtpërsëdrejti Rusinë për sulmin dhe shtoi se “vendi rus duhet të ndalojë sjelljet e pamatura”.

Hakerët rusë duhet të kenë tentuar të sulmojnë Organizatën për Ndalimin e Armëve Kimike në Hagë të Holandës. Sekretari gjeneral i NATO-s, Jens Stoltenberg, përshëndent dëbimin e katër rusëve, shkruan faz.net.

“Bëhet fjalë për katër agjentë rusë, të cilën kanë tentuar të sulmojnë Organizatën për Ndalimin e Armëve Kimike”, tha mes tjerash ministri i Brendshëm holandez, Ank Bijleveld. Por shërbimet holandeze e kanë kuptuar planin e tyre për t’u futur në sistemin dhe rrjetin e kompjuterëve të organizatës.

Në lidhje me këtë ka reaguar edhe sekretari gjenerali Stoltenberg, i cili vuri në dukje drejtpërsëdrejti Rusinë për sulmin dhe shtoi se “vendi rus duhet të ndalojë sjelljet e pamatura”.

Rusia prej kohësh ka në fokus organizatat për ndalimin e armëve kimike. Ngjashëm, dy spiunë rusë janë arrestuar gjatë pranverës në një laborator kimik në Zvicër dhe më pas janë dëbuar për në vendlindje. Të dy rusët kanë dashur të futen në laboratorin e qytetit Spiez, përcjell albinfo.ch. Këtë sulm mediat perëndimore e paraqiten se “as Zvicra neutrale nuk është e qetë nga sulmet ruse”.

Britania sot e akuzoi inteligjencën ushtarake ruse për një mori sulmesh kibernetike, me qëllim dëmtimin e institucioneve të rëndësishme perëndimore. Një raport për sigurinë kombëtare të Britanisë konstatoi se Agjencia e Inteligjencës Ushtarake të Rusisë (GRU) është “agresore shkatërruese kibernetike”, që përdor një rrjet hakerimi për të përhapur mosmarrëveshje dhe konfuzion në gjithë botën.

Rusia hë për hë i ka hedhur poshtë akuzat.

---