Kosova, me tri përforcime nga Zvicra

Arijanet Muriq, Shkëlqim Demhasaj dhe Mirlind Kryeziu, të lindur në Zvicër pritet të luajnë në nëntor për Kosovën

Numri i lojtarëve shqiptarë që luajnë në ligat evropiane e zgjedhin të luajnë për Kosovën po rritet nga dita në ditë.

Ditë më parë Arijanet Muriq me prejardhje nga Mali i Zi ka vendosur të aplikojë për pasaportë të Kosovës. Ai është portier në Manchester City dhe llogaritet me të ardhme të ndritur. Muriqi ka lindur në Zvicër, shkruan albinfo.ch.

Në nëntor ka gjasa të mëdha të luajnë edhe Shkëlqim Demhasajn dhe Mirlind Kryeziun.

Ata janë pajisura me pasaportat e Kosovës dhe priten të grumbullohen për dy ndeshjet vendimtare të Ligës së Kombeve, atë ndaj Maltës dhe Azerbajxhanit, raporton “telegrafi”.

Si Demhasaj, ashtu edhe Kryeziu kanë luajtur deri më tani për 21-vjeçarët e Zvicrës.

Kujtojmë që sulmuesi aktivizohet me Luzernin në kampionatin zviceran, teksa në 12 ndeshje ka shënuar 6 gola si dhe ka dhënë 3 asistime.

Ndërkohë për sa i përket mbrojtësit Kryeziu, ai është pjesë e Zyrihut.

---