Kryeprokurori i Specializuar takon në Kosovë vetëm ministrin Tahiri

Smith u përzgjodh për postin e Prokurorit të Specializuar pas një procesi të organizuar nga Bashkimi Evropian dhe u emërua në këtë post nga shefja e Misionit të EULEX-it, Alexandra Papadopoulou. Ai e filloi detyrën më 11 shtator.

 

Kryeprokurori i Specializuar, Jack Smith, do ta vizitojë Kosovën, për herë të parë, për takime me zyrtarë ndërkombëtarë dhe kosovarë. Gjatë vizitës, ndër të tjerash, ai do të takohet me krerët e organizatave ndërkombëtare, përfaqësuesit e shteteve anëtare të BE-së, ministrin e Drejtësisë së Kosovës, Abelard Tahiri, si dhe me zyrtarë të lartë të Ministrisë së Drejtësisë, bëhet e ditur përmes një njoftimi nga kjo Prokurori.

Smith u përzgjodh për postin e Prokurorit të Specializuar pas një procesi të organizuar nga Bashkimi Evropian dhe u emërua në këtë post nga shefja e Misionit të EULEX-it, Alexandra Papadopoulou. Ai e filloi detyrën më 11 shtator.

Smith është pasardhës i Prokurorit të parë të Specializuar, David Schwendiman, i cili e lëshoi detyrën e kryeprokurorit në fund të marsit, pas përfundimit të mandatit të tij si zyrtar i Shërbimit të Jashtëm të Shteteve të Bashkuara. Zyra e Prokurorit të Specializuar po heton krimet e pretenduara në Raportin e Këshillit të Evropës të vitit 2011, “Trajtimi ҫnjerёzor i personave dhe trafikimi i paligjshëm i organeve njerëzore nё Kosovë”.

 

---