CR7 e mund Selena Gomezin për ndjekës në Instagram

Selena Gomez e humb titullin e ‘Mbretëreshës së Instagramit’. Ajo nuk është më personi me më së shumti ndjekës në këtë rrjet social.

Këtë rekord tani e mban ‘Mbreti i ri i Instagramit’, Cristiano Ronaldo. Futbollisti 33-vjeçar, Cristiano Ronaldo, ka rrëzuar nga “froni” këngëtaren Selena Gomez, në platformën e rrjetit social, me 144.320.746 ndjekës, përcjell albinfo.ch.

Gomez mbajti titullin për më shumë se dy vjet, duke qenë njëri prej personave të famshëm me shumë ndjekës në Instagram, por, me sa duket, Gomezin nuk e shqetësoi ky fakt, duke qenë se vetë, para dy muajve, deklaroi se do të shkëputet për një kohë nga rrjetet sociale.

Ronaldo e postoi një fotografi, e cila arriti t’i marrë rreth 4 milionë pëlqime.