Edhe në Kosovë ndalohet shitja e alkoolit të miturve

Ministri i Tregtisë dhe Industrisë së Kosovës, Endrit Shala, ka deklaruar se kanë marrë iniciativë që tash e tutje kushdo që u shet pije alkoolike të miturve do të dënohet.

“Kjo iniciativë për inspektim do të përfshinë gjitha dyqanet afariste, qofshin ato të mëdha apo të vogla. Në bazë të urdhëresës që ka hyrë në fuqi dje, të gjitha këto dyqane duhet ta respektojnë atë”, ka thënë ministri Shala gjatë inspektimit që i ka bërë dyqanit afarist “ETC”, përcjell albinfo.ch.

Ministri njoftoi se përveç pijeve alkoolike, inspektimi përfshin dhe ekspozimin e kutive të duhanit dhe shitjen e tyre personave nën moshën 8 vjeç.

Kryeinspektori i MTI-së ka thënë se nuk kanë kuadro të mjaftueshme të inspektorëve për mbikëqyrje të të gjitha pikave shitëse, por theksoi se do të bashkëpunojnë me inspektorët komunalë.