O’Conell konfirmon se disa shtete kanë tërhequr njohjet

Ambasadori i Britanisë së Madhe në Kosovë, Ruairi O’Conell, ka thënë se disa shtete e kanë tërhequr njohjen për Kosovën.

Me këtë deklaratë ambasadori e ka përgënjeshtruar Ministrinë e Punëve të Jashtëm të Kosovës, e cila një ditë më parë tha se lajmet e mediave serbe për tërheqje të njohjeve për shtetësinë e Kosovës janë lajme të rreme.

“Fatkeqësisht, disa vende i kanë tërhequr njohjet e tyre për Kosovën. Nuk mendojmë që ka ndonjë justifikim për këto veprime. Kosova i përmbush të gjitha kriteret për të qenë një shtet i pavarur, ne e kemi pranuar Kosovën si shtet të pavarur dhe sovran”, shkruan O’Connell, duke u përgjigjur në një pyetje të parashtruar nga një qytetar në Facebook.