Panucci beson në kualifikimin për Euro 2020

Trajneri i Shqipërisë, Christian Panucci, ka shprehur besimin se kombëtarja shqiptare mund të kualifikohet në Kampionatin Evropian 2020. 

Trajneri italian menjëherë pas shortit të eliminatoreve të Euro 2020 ka thënë se shorti është i pranueshëm për Shqipërinë, ndërsa theksoi se nëse do të ketë skuadrën në formë, mund të synojë vendin e dytë. 

“Mund të shkonte më mirë, por edhe më keq. E pranojmë dhe do të punojmë që të bëjmë të pamundurën për t’u kualifikuar. Franca është favoritja e madhe, por dhe Turqia e Islanda janë ekipe mjaft të mira dhe do të garojnë për vendin e dytë”, ka thënë ai. 

Shqipëria është pjesë e Grupit H, bashkë me Francën, Islandën, Turqinë, Moldavinë e Andorën.