Biçikleta, mënyrë e jetesës në Holandë

Biçikleta, e cila është një mënyrë e jetesës dhe pjesë e jetës së përditshme në Holandë, përdoret nga të gjithë, nga mosha 7 e deri në atë 70-vjeçare. Holanda, e cila njihet si “bota e biçikletave”, ka një popullsi prej rreth 17 milionë banorësh, ndërkaq në këtë shtet ka rreth 23 milionë biçikleta. Në bazë të kësaj, një familjeje i përkasin mesatarisht 3 biçikleta.

Biçikleta më së shumti përdoret për punë dhe transportin e fëmijëve në shkollë. Gratë e përdorin biçikletën 180 milionë herë në vit, ndërsa meshkujt 100 milionë herë, përcjell albinfo.ch.

Gratë preferojnë biçikletën 80 për qind më shumë se meshkujt. Biçikleta, e cila përdoret për shkak të dobisë së saj për shëndet dhe për shkak se parandalon bllokimin në trafik, në të njëjtën kohë, është një mjet transporti i popullarizuar, për shkak se në të njëjtën kohë është ekonomike.

Rrugët e drejta dhe korsitë e biçikletave janë një avantazh i madh për qytetarët në këtë vend. Në Holandë, ku çdo vit shiten rreth 1 milion biçikleta të reja, ka një interes të madh edhe për biçikletat e dorës së dytë, pra ato të përdorura.

Kështu, një pjesë e madhe e popullsisë, të cilët mësojnë ngasjen e biçikletës që nga mosha fëmijërore, përdor biçikleta të dorës së dytë. Biçikletat, të cilat parkohen edhe në afërsi të kanaleve, pemëve dhe mureve, më së shumti përdoren në qytetet si Amsterdam, Utrecht dhe Groningen. Në këtë vend është i përhapur edhe sistemi i marrjes me qira të biçikletave, që preferohet nga turistët.