A do të kalojë Pajtim Kasami në Basel?

Diçka e re pritet të ndodhë në drejtim të Pajtim Kasamit. Ai mund të largohet nga Sioni drejt Baselit, shkruan ‘Blick’.

Presidenti i Sionit, Christian Constantin dhe drejtori sportiv i Baselit, Marco Streller kanë shkëmbyer pikëpamjet për një transferim të mundshëm të yllit Sion në FCB, përcjell albinfo.ch.

“I thashë Markut të më bënte një ofertë. Një ofertë konkrete. Atëherë do të shohim nëse pajtohem”, ka thënë presidenti i Sionit.

Ai ka shtuar se do ta linte të lirë Pajtim Kasamin vetëm për një ofertë shumë të mirë.

Kasami ka përvojë të madhe ndërkombëtare, pasi ka qenë pjesë e Palermos në Serie A, Fulhamit në Premierligë dhe Olympiacosit në Greqi