‘Solo’ nga Clean Bandit, në top listën e ‘SHAZAM’-it

Aplikacioni ‘Shazam’ ka publikuar këngët më të kërkuara dhe më të klikuara të vitit. Kënga ‘Solo’ nga Clean Bandit dhe Demi Lovato ishte e para në listë.

Kënga u kërkua 9,1 milionë herë, duke e lënë në vendin e dytë Nicky Jam dhe J Balvin  me këngën ‘X’. Artistët britanikë ishin pjesë e top-10 këngëve të Shazamit. Dua Lipa, Calvin Harris dhe Tom Walker ishin pjesë e listës, shkruan albinfo.ch

Drake ishte artisti më i kërkuar i vitit, por nuk arriti të hynte në top 10, ngase kërkimet për të u ndanë nëpër 21 këngë të albumit të tij, ‘Scorpion’.

Teknologjia e Shazamit punon duke analizuar gjurmët unike të zërit të një kënge dhe më pas e dërgon rezultatin nëpërmjet telefonit tuaj.

Kompania u ble nga Apple Music vitin e kaluar për 400 milionë dollarë.

Në atë kohë kishte më shumë se 120 milionë përdorues mujorë.