Fillon intervistimi në Hagë i ish-komandantit të ZO të Drenicës

Ish-komandanti i Ushtrisë Çlirimtare të Kosovës për Zonën e Drenicës, Sami Lushtaku, po merret në pyetje në Zyrën e Prokurorit të Specializuar, në të cilën pritet të intervistohet, një ditë pasi një procedurë të tillë e përfundoi për gati 16 orë Rrustem Mustafa – Remi.

Të dielën Sami Lushtaku kishte thënë se nuk e di se në çfarë cilësie është ftuar për intervistim. KTV-ja raporton se në Dhomën e Specializuar të Gjykatës Kushtetuese është referuar rasti i parë sa u përket hetimeve dhe ftesave që Specialja dhe Prokuroria e Specializuar janë duke i bërë në Kosovë, përcjell albinfo.ch

Gjykata Speciale një nga të ftuarit e Prokurorisë e ka vlerësuar si jokushtetuese kërkesën që i është bërë që të sjellë me vete çfarëdo prove që ka ky i dyshuar kur të shkojë në Hagë për intervistim. Gjithashtu, kryetarja e Dhomave të Specializuara, Ekaterina Trendafilova, tashmë ka caktuar 3 gjyqtarë që ta shqyrtojnë këtë rast.