Lirohet nga burgu ish-komandanti UÇK-së, Sylejman Selimi

Ish-komandanti i Ushtrisë Çlirimtare të Kosovës është liruar me kusht. Lirimin e të tij e ka mundësuar Paneli për Lirim me Kusht.

Sylejman Selimi do të jetë nën mbikëqyrje të të Shërbimit Sprovues të Kosovës deri më 30.10. 2020.

Lajmin e ka konfirmuar për Kallxo.com drejtori i burgjeve, Nehat Thaçi, përcjell albinfo.ch.

Selimi ishte arrestuar në maj të vitit 2013 dhe ishte shpallur fajtor për një vepër penale të krimeve të luftës kundër popullatës civile nga Gjykata Themelore në Mitrovicë më 27 maj 2015, duke u dënuar më 6 vjet burgim.

Ndërsa, më 7 qershor 2018 është mbajtur rigjykimi për “Drenica 2”, më 11 qershor është mbajtur për “Drenica 1”. Për këtë edhe avokati i tij, Tomë Gashi, pati thënë ditë më parë se pa asnjë të drejtë ligjore po vazhdon të mbahet në burg  Sylejman Selimi tash e tre muaj.