Ndahen 67 milionë lekë për Samitin e Diasporës

Qeveria e Shqipërisë njofton se ka ndarë rreth 67 milionë lekë për organizimin e Samitit të dytë të Diasporës në Tiranë, që pritet të mbahet nga data 28 shkurt deri më 2 mars.

Ministria e Shtetit për Diasporën fton të gjithë shqiptarët që jetojnë jashtë kufijve të regjistrohen në portalin online, ndërsa vetë kryeministri Edi Rama u ka dërguar ftesë personale përfaqësuesve të diasporës.

“Në kuadrin ogurmirë të 575- vjetorit të Kuvendit të Lezhës, do të mbahet Samiti i 2-të i Diasporës, një udhërrëfyes që pavarësisht larmisë së bindjeve vetjake dhe vendndodhjes të secilit, na jep dorë shqiptarëve të qasemi ndaj sfidave të botës, si dhe mënyrave risiprurëse të organizimit mes nesh në përputhje me kohën”, ka thënë Rama në ftesën e tij.

Por mediat në Tiranë kanë kritikuar Qeverinë për, siç shkruajnë ato, shumën e madhe të ndarë për organizimin e samitit.