Mesazhi i vezës së Instagram-it 

Pamja e një veze që u bë fotografia më e pëlqyer në rrjetin social Instagram, ishte pjesë e një fushate vetëdijesuese për shëndetin mendor. 

Veza, e njohur me emrin Eugene, tani është thyer pas “presionit” që kishte marrë me vëmendjen në Instagram. 

Një mesazh në fotografinë e vezës së thyer këshillon njerëzit që të kërkojnë ndihmë, nëse edhe ata ndihen njësoj. Më shumë se 52 milionë njerëz e kanë pëlqyer fotografinë e parë të vezës që u publikua në muajin janar. 

Kur u publikua, veza synonte të rrëzonte Kylie Jennerin nga pozita e “Mbretëreshës së Instagramit” që kishte më së shumti pëlqime kur publikoi foton me vajzën e saj, Stormi. Që prej janarit janë publikuar gjashtë fotografi të vezës që thyhej nga pak në secilën prej tyre. 

“Uhaa! Tani po ndihem më mirë. Nëse e ndjeni presionin, ju lutem, vizitojeni faqen. Ta krijojmë këtë listë së bashku”, thuhej më tej në fotografinë e fundit. Faqja talkingegg ka një listë të shteteve që ofrojnë shërbime për kujdesin mendor.