Seferi vazhdon shkëlqimin në Zvicër

Winterthur arriti të fitonte me rezultatin 3:0, duke marrë tre pikë të rëndësishme në kampionat

Futbollisti shqiptar, Taulant Seferi vazhdon të shkëlqejë në Zvicër me skuadrën e Winterthur.

Ai është duke bërë një sezon të mirë në Ligën e Dytë të futbollit në Zvicër, teksa këtë sezon ka shënuar shtatë gola në total, gjashtë në kampionat dhe një në kupë.

Por, Seferi, ka asistuar edhe në tre gola të tjerë për skuadrën e tij, të cilët kanë qenë shumë të rëndësishëm për ekipin.

Asistimi i fundit ishte në ndeshjen e tre ditëve më parë kundër Vaduz, ku Winterthur arriti të fitonte me rezultatin 3:0, duke marrë tre pikë të rëndësishme në kampionat, përcjell albinfo.ch.

Duhet theksuar se Seferi është futbollist i Young Boys, derisa është i huazuar në Winterthur.

Deri më tani, Seferi ka luajtur 21 ndeshje në të gjitha garat me skuadrën e tij në këtë sezon, duke grumbulluar në total 1327 minuta.

 

---