Avdijaj largohet nga skuadra holandeze Willem II

Sulmuesi i përfaqësueses së Kosovës, Donis Avdijaj, është larguar edhe zyrtarisht nga skuadra holandeze, Willem II. 

Lajmin është bërë i ditur të hënën në faqen zyrtare të klubit.

Në njoftimin e klubit holandez është bërë e ditur se shkëputja e menjëhershme e kontratës është bërë me marrëveshje të dyanshme, raporton KTV, përcjell albinfo.ch.

22-vjeçari te Willem II u transferua gjatë verës së vitit të kaluar nga Schalke, por u largua për shkak të problemeve disiplinore dhe fizike.

Së fundi është raportuar se skuadra zvicerane Luzern ka shprehur interesim për ta transferuar sulmuesin kosovar.