Si funksionojnë kualifikimet për “Euro 2020”

Kësaj radhe nuk kualifikohet asnjë kombëtare drejtpërdrejt pasi zhvillohet në 12 shtete

Kualifikimet për Kampionatin Evropian fillojnë të enjten. Kësaj radhe do të jenë pak më ndryshe.

Kampionati Evropian fillon në qershor të vitit 2020 me 24 ekipe. 20 skuadra kualifikohen nga kualifikimet e Kampionatit Evropian. Katër kombëtare marrin biletën nëpërmjet Ligës së Kombeve, shkruan albinfo.ch.

Kësaj radhe nuk kualifikohet asnjë kombëtare drejtpërdrejt pasi zhvillohet në 12 shtete, raporton ‘Blick’.

Fituesi i Ligës së Kombeve nuk kualifikohet automatikisht, por merr gati 12 milionë franga zvicerane dhe trofeun. Zvicra përballet me Portugalinë në gjysmëfinale, Holanda luan kundër Anglisë, përcjell albinfo.ch.

Dy ekipet e para në renditje kualifikohet direkt. Në total 10 grupe dhe kualifikohen 20 skuadra.

Por, nëse Zvicra dhe Kosova nuk arrijnë kualifikimin, atëherë e kanë edhe një rast, me anë të Ligës së Kombeve.

Kualifikimet për Kampionatin Evropian zhvillohen në periudhën mars-nëntor 2019.

---