Kosova në panairin e librit, në Leipzig

Kosova, për herë të parë këtë vit, është duke u prezantuar me stendë në Panairin e Librit në Leipzig. Panairi në Leipzig njihet edhe si Panairi i Autorëve dhe Panairi i Evropës Lindore dhe Juglindore. 

Edhe pse me përmasa më i vogël sesa në Frankfurt, ai është në fokus të jetës kulturore gjermane dhe evropiane çdo pranverë, përcjell albinfo.ch

Me rreth 200 mijë vizitorë dhe 3,000 botues nga Gjermania dhe vende të ndryshme të botës, sivjet, Kosova është risia e këtij panairi. MKRS-ja sivjet ka përkrahur Bibliotekën Kombëtare të Kosovës, e cila në stendën e saj po prezanton botimet më të reja nga Kosova.