Publikohet traileri i filimit “Once Upon a Time in Hollywood”

Studioja filmike “Sony Pictures” i ka publikuar pamjet e para të filmit të ardhshëm të Quentin Tarantinos, ku luajnë numër i madh i aktorëve yje, “Once Upon a Time in Hollywood.”

Me një ngjarje, e cila zë vend kah fundi i viteve të arta të Hollywoodit që është viti 1969, e sjell historinë e dy protagonistëve, Rick Dalton i portretizuar në film nga Leonardo DiCaprio, dhe Cliff Booth i sjellë në ekran nga aktori Brad Pitt, teksa mundohen të arrijnë sukses në Tinseltown.

Ekipi kompletohet edhe me aktorët e tjerë të njohur, Kurt Russell, Dakota Fanning, Luke Perry dhe Margot Robbie, e cila në film e portretizon Sharon Tate-in, aktorja dhe modelja e cila u vra nga kulti i Charles Mansonit në vitin 1969. 

Filmi ‘Once Upon a Time in Hollywood’, do të fillojë së shfaquri nëpër kinematë e Amerikës nga 26 korriku.