Bashkimi familjar shton emigracionin

Njëra ndër arsyet kryesore të migrimit të kosovarëve nëpër shtete të ndryshme të Evropës, sipas UNDP-së, është bashkimi me familjet e tyre dhe punësimi

Bashkimi i lidhjeve familjare mbetet arsyeje kryesore që nxit migrimin e shqiptarëve drejt vendeve të Bashkimit Evropian. Kështu thuhet në një raport të Programit të Kombeve të Bashkuara për Zhvillim (UNDP) me temë “Ecuritë demografike, migracioni dhe Diaspora kosovare”, që u prezantua në Prishtinë.

Besnik Krasniqi nga UNDP-ja, me këtë rast ka prezantuar raportet preliminare të raportit të zhvillimit njerëzor.

Ai ka thënë se për të analizuar hollësisht potencialin e zhvillimit njerëzor dhe ndërlidhjen e tij me mobilitetin, UNDP-ja ka bërë disa projeksione që janë bazuar kryesisht në të dhënat e regjistrimit të popullsisë.

Sipas Krasniqit, arsyet kryesore të migrimit të qytetareve nga Kosova janë pa dyshim lidhjet familjare, mirëpo ai nuk e ka përjashtuar edhe punësimin, si një arsye tjetër që ka shtyrë shumë të rinj të lëvizin drejt Evropës.

Mirëpo siç thotë Krasniqi, qytetarët që janë më të shkathtë në tregun e punës, lanë si motiv që të punojnë, ndërsa kapitalin e tyre ta sjellin në Kosovës, duke investuar këtu. Ndërsa, sipas UNDP-së, ka emigrantë që kanë lindur atje, ose kanë një prind të huaj, dhe ata kanë vështirë të kthehen.

Analizat e UNDP-së, ndërkaq tregojnë se numri i emigrantëve shqiptarë është më i madh se sa që mendojnë autoritetet kosovare.

Megjithatë zyrtarët në Prishtinë nuk e kanë të definuar se ]cila është diasporë e cila jo.  Avni Kastrati është zyrtar në Agjencinë e Statistikave të Kosovës.

”Definimi se kush është diasporë konsiderohet si problem ndërkombëtar. Ngase ata që shkojnë atje, apo lindin atje, e kanë një prind dhe në bazë të ligjit me sa di për diasporën, nëse ke një prind nga Kosova, ti je diasporë”, ka thënë ai.

Mrëpo, sipas tij, gjenerata e dytë apo e tretë që ka lindur atje është problem. “Unë i inkurajoj të gjithë hulumtuesit e migracionit sepse ndoshta vijnë deri te zbërthimi apo definimi më i qartë për diasporën”, ka deklaruar Kastrati.