Filmi “Captain Marvel”, 900 milionë dollarë fitime

Vetëm shtatë javë pas shfaqjes në kinema, “Captain Marvel” ka arritur të përfitojë një shumë prej 900 milionë dollarësh. 

Filmi me protagoniste një superheroinë, gjatë kësaj fundjave, ka përfituar 87 milionë dollarë në nivel global. Ndërsa, 52 milionë dollarë janë fituar nga vendet jashtë Amerikës. Sipas “Box Office” deri më tani, “Captain Marvel” konsiderohet si një prej realizimeve filmike më fitimprurëse me superheronj. 

Përndryshe, ‘Captain Marvel’ ka arritur të tejkalojë filmin “Thor: Ragnarok” fitimet e të cilit janë 854 milionë dollarë, “Venom” me 855 milionë dollarë dhe “Spider-Man:Homecoming” që ka mbledhur 880 milionë dollarë, përcjell albinfo.ch.

Filmi paraqet protagonisten Carol Danvers, që bëhet ndër superheroinat më të fuqishme në gjithësi. Ajo duhet të shpëtojë njerëzimin kur Toka ndodhet në mes të një lufte universesh.